ဖေဖော်ဝါရီလနှင့် မတ်အတွင်း နိုင်ငံရေးအဖွဲ့အစည်းများ၏ လှုပ်ရှားမှုများ ပိုမိုပြင်းထန်လာပြီး သပိတ်စစ်ကြောင်းများ၊ ၏ပူးပေါင်းဆောင်ရွက်မှုဆိုင်ရာ ဆွေးနွေးမှုများပေါ်ပေါက်လာသည်။ ယင်းမာပင်၊ မုံရွာ၊ ကနီ တို့တွင် လူထုလှုပ်ရှားမှုများနှင့် မီဒီယာမှ မျှဝေသည့် အချက်အလက်များအရ နိုင်ငံရေးလှုပ်ရှားမှု၏ ကျယ်ပြန့်မှုကိုတွေ့မြင်ရသည်။ဇန်နဝါရီလကစတင်ခဲ့သော ဖက်ဒရယ်ယူနစ်ဆိုင်ရာဖွဲ့စည်းပုံဆွေးနွေးမှုများသည် ဖေဖော်ဝါရီလအတွင်းတွင်လည်း ဆက်လက်ပြုလုပ်ခဲ့ပြီး မြို့နယ်အဆင့်အဖွဲ့အစည်းများအထိ ကျယ်ပြန့်လာသည်။ ထို့အတူဖေဖော်ဝါရီ ၂ ရက်နေ့တွင် မော်လူးမြို့နယ်မှ လူထုသပိတ်ဦးဆောင်အဖွဲ့သည် မိမိဒေသအတွင်းဖက်ဒရယ်ယူနစ် CDM ကောင်စီဖွဲ့စည်းမှုအကြောင်းဆွေးနွေးခဲ့သည်။ဖေဖော်ဝါရီ ၁၀ ရက်နေ့တွင် စစ်ကိုင်းဖက်ဒရယ်ယူနစ် CDM များအစည်းအဝေးပြုလုပ်ခဲ့သည်။ ဖေဖော်ဝါရီလနှင့် မတ်လအတွင်းတွင် စစ်ကိုင်းဖက်ဒရယ်ယူနစ် ကြားကာလဖွဲ့စည်းပုံ ဒုတိယမူကြမ်းနှင့် ယင်းမူကြမ်းပြင်ဆင်ချက်အဖြစ် တတိယမူကြမ်းပါ ထွက်ရှိခဲ့သဖြင့် နိုင်ငံရေးအရှိန်အဟုန်ကောင်းလာသည်ဟုပြော၍ရသည်။ သို့သော် မတ်လ(၂၈) ရက်နေ့တွင်စစ်ကိုင်းမြို့နယ် ရေခါးအင်းကို ဗဟိုပြု၍ လှုပ်ခတ်ခဲ့သော (၇.၇) Magnitude ရှိငလျင်သည်လည်း နိုင်ငံရေးဖြစ်စဉ်များအကြား […]
၂၀၂၅ ခုနှစ် ဖေဖော်ဝါရီလ ထိတွေ့တိုက်ပွဲအခြေအနေ သုံးသပ်ချက် ၂၀၂၅ ခုနှစ်၊ ဖေဖော်ဝါရီလအတွင်း စစ်ကိုင်းတိုင်းဒေသတွင် စစ်ကောင်စီတပ်နှင့် ဒေသခံကာကွယ်ရေးအဖွဲ့များ (PDF/LPDF) တို့ကြား ထိတွေ့တိုက်ပွဲများ ပြင်းထန်စွာဖြစ်ပွားခဲ့သည်။ အထူးသဖြင့် ကနီ၊ အရာတော်၊ ရေဦး၊ မုံရွာ၊ မြောင်၊ ဘုတလင်၊ ဆားတောင်၊ ရွှေဘို စသည့် မြို့နယ်များတွင် ထိတွေ့တိုက်ပွဲများ အထူးပြင်းထန်ခဲ့သည်။ စစ်တပ်၏ အကြမ်းဖက်မှုများအဖြစ် ဘုတလင်မြို့နှင့် ဆားတောင်မြို့တွင် လူသတ်မှု၊ တပ်စွဲခြင်း၊ ကျေးရွာမီးရှို့ခြင်းများကို ကျူးလွန်ခဲ့သည်။ အရာတော်မြို့နယ် ငွေတွင်းရွာ၊ ရေဦးမြို့နယ် အောင်သုခကျေးရွာ စသည့်ဒေသများတွင်လည်း စစ်ကောင်စီမှ အကြမ်းဖက်မှုများ ပြုလုပ်ခဲ့သည်။ မုံရွာမြို့နယ်အတွင်း ဝမ်ပေါင်ကုမ္ပဏီနှင့်ပတ်သက်၍ ကြေးနီသယ်ယူရေးအတွက် စစ်တပ်၏ ကာကွယ်မှု့လုပ်ငန်းများကြောင့် ထိတွေ့တိုက်ပွဲများ မကြာခဏ ဖြစ်ပွားခဲ့သည်။ ထို့အပြင် ရွှေဘိုမြို့နယ် ဥသျှစ်ကန်ကျေးရွာသုသာန်အနီး […]
ဖေဖော်ဝါရီလနှင့် မတ်လ အတွင်းတွင်လည်းအတင်းဓမ္မစစ်သားစုဆောင်းခြင်း အပါအဝင် စစ်ရာဇဝတ်မှုကျူးလွန်မှုများ ဆက်လက်ပေါ်ပေါက်နေဆဲဖြစ်သည်။ အထူးသဖြင့် စစ်ကြောင်းထိုးရှင်းလင်းမီးရှို့ခြင်းကြောင့် ပြည်သူများ အိုးမဲ့အိမ်မဲ့ဖြစ်ရသကဲ့သို့ သတ်ဖြတ်ခံရမှုများလည်း ဆက်လက်ဖြစ်ပေါ်ခဲ့သည်။ ၂၀၂၅ ခုနှစ် ဖေဖော်ဝါရီလ စစ်ရာဇဝတ်မှုများ သုံးသပ်ချက် ၂၀၂၅ ခုနှစ် ဖေဖော်ဝါရီလအတွင်း စစ်ကိုင်းတိုင်းဒေသများ၌ စစ်ကောင်စီ၏ လက်နက်ကိုင် အကြမ်းဖက်မှုများနှင့်ပတ်သက်သည့် စစ်ရာဇဝတ်မှုဖြစ်စဉ်များ စုစုပေါင်း ၁၉ ကြိမ် မှတ်တမ်းတင်နိုင်ခဲ့သည်။ ဤအမှုများအနက် တချို့မှာ မြို့ပြဒေသများနှင့် တခြားတပ်စခန်းများအနီးမှ ထွက်လာသော တပ်အဖွဲ့များ၏ တိုက်ခိုက်မှုများဖြစ်ပြီး၊ ကျေးရွာများ၌ တိုက်ခိုက်မှု၊ လူထုကို သတ်ဖြတ်ခြင်းနှင့် ဖမ်းဆီးခြင်းများလည်း ဖြစ်ပွားခဲ့သည်။ အဓိကထင်ရှားသောအချက်များ သေဆုံးမှုများ: အနည်းဆုံး ၆ဖြစ်စဉ်တွင် သေဆုံးမှု ဖြစ်ပွားခဲ့ပြီး၊ ထဲမှာ ဥပမာအားဖြင့် – ဘုတလင်မြို့နယ်တွင် (၁၀) ဦး၊ မုံရွာမြို့နယ်တွင် […]
အုပ်ချုပ်ရေးဆိုင်ရာဖြစ်စဉ်များ သုံးသပ်ချက် (ဖေဖော်ဝါရီ – မတ် ၂၀၂၅) ၂၀၂၅ ခုနှစ် ဖေဖော်ဝါရီနှင့် မတ်လအတွင်း စစ်ကိုင်းတိုင်းရှိ တိုင်းဒေသကြီးများတွင် အုပ်ချုပ်ရေးဆိုင်ရာသတင်းများ စုစုပေါင်း ၁၁ ဖြစ်စဉ် မှတ်တမ်းတင်နိုင်ခဲ့သည်။ ဤဖြစ်စဉ်များတွင် အထူးသဖြင့် စစ်ကောင်စီဘက်မှ အလင်းဝင်မှု၊ တပ်သားသစ်လက်ခံခြင်း၊ အုပ်ချုပ်ရေးအဖွဲ့ဖွဲ့စည်းခြင်း စသည့် အရေးပါမှုရှိသောအချက်များပါဝင်သည်။ ထင်ရှားသောအချက်များ အလင်းဝင်မှု (Defections) ရေဦးမြို့နယ်၊ ဟုမ္မလင်းမြို့နယ်တို့တွင် စစ်ကောင်စီသို့ကူးလာသည့် တပ်သားများနှင့် SNA တပ်သားများအလင်းဝင်မှုအဖြစ် မှတ်တမ်းတင်ထားသည်။ ပြည်သူ့အုပ်ချုပ်ရေးအဖွဲ့ဖွဲ့စည်းမှု မင်းကင်းမြို့နယ်တွင် ပြည်သူ့အုပ်ချုပ်ရေးအဖွဲ့ ဖွဲ့စည်းခြင်းကို ဖော်ပြထားသည်။ စစ်ကောင်စီအဖွဲ့ဝင်အဖမ်းခံမှု ရွှေဘိုမြို့နယ်တွင် ပျူစောထီးတစ်ဦး၊ သေနတ်တစ်လက် ဖမ်းဆီးခံရခြင်း ဖြစ်စဉ်ဖော်ပြထားသည်။ ဖြစ်ပွားသည့်မြို့နယ်များ အုပ်ချုပ်ရေးဆိုင်ရာဖြစ်စဉ်များအများဆုံးဖြစ်ပွားခဲ့သည့်မြို့နယ်များမှာ – မုံရွာမြို့နယ် (၂ ကြိမ်) ရွှေဘိုမြို့နယ် (၂ ကြိမ်) […]
၁။နိုင်ငံရေးဖြစ်စဉ် တွေ့ဆုံဆွေးနွေးမှုများမှတဆင့် ပူးပေါင်းဖော်ဆောင်မှုများပိုမိုဖြစ်ပေါ်လာပြီး ညှိနှိုင်းခွဲဝေမှုများအထိ ဖြစ်လာနေသည်။ တပြိုင်တည်းမှာပင် မိတ်ဖက်ပဋိပက္ခသို့ သက်ရောက်နိုင်သည့် စုဖွဲ့မှုများလည်းဖြစ်လာနေသည်။ ၂။ စစ်ရေးဖြစ်စဉ် စစ်ရေးဖြစ်စဉ်မှာ စစ်ရေးအရှိန်ကျသွားသကဲ့သို့ဖြစ်နေသော်လည်း အားယူငြိမ်သက်ခြင်းများဟုလည်း ယူဆနိုင်သည်။ စစ်ကောင်စီ၏ လေကြောင်းအသာစီးရယူနိုင်မှုကြောင့် စစ်ရေးလှုပ်ရှားမှုများအားနည်းသွားခြင်းများလည်းရှိသည်။ မြေပြင်ထိတွေ့တိုက်ပွဲများတွင်မူ တော်လှန်ရေး တပ်များက အသာရနေဆဲဖြစ်ပြီး စခန်းသိမ်းတိုက်ပွဲများ ဗျူဟာမြောက်ပူးပေါင်းစစ်ဆင်ရေးများလည်း ပြန်လည်စတင်လာနိုင်သည်ကိုတွေ့ရသည်။ ၃။စစ်ရာဇဝတ်မှုဖြစ်စဉ် စစ်ကြောင်းထိုးနယ်မြေရှင်းလင်းမှုများ၏ အကျိုးသက်ရောက်မှုအဖြစ် ဖမ်းဆီးသတ်ဖြတ်ခံရမှုများ အိမ်မီးရှို့ခံရမှုများထပ်မံဖြစ်ပေါ်လာသည်။ ကောလင်း၊ စစ်ကိုင်း၊ ကျွန်းလှ၊ မုံရွာ၊ ကနီ ၊ ယင်းမာပင်၊ မော်လူး၊ ကန့်ဘလူနှင့်ရေဦးတို့တွင် စစ်ဘေးရှောင်လူဦးရေများပိုမိုတိုးပွားလာနေသည်။ ၄။ အုပ်ချုပ်ရေးဖြစ်စဉ် စိန်ခေါ်မှုများ ပိုမိုများပြားလာပြီး စီမန်ခန့်ခွဲမှု ရောယှက်မှုများလည်းဖြစ်ပေါ်နေသည်။